Telegrama de lamentación e protesto ante a Embaixada Chinesa en Madrid, polos acontecimentos propios e derivados da ocupación chinesa do Mar Oriental, para a explotación de recursos petrolíferos, na zona económica exclusiva do Vietnám

O compañeiro Joam Lópes Péres, Presidente da nosa asociación de Amizade Galiza - Viêt Nam, enviou antonte un telegrama a embaixada Chinesa en Madrid, pronunciando-se, no nome da nosa entidade, a favor dos dereitos de Vietnam sobre a plataforma continental no Mar Oriental, onde o goberno chinés instalou a equipa perforadora Haiyang Shiyou -981, custodiada por máis de 100 navíos de guerra, feito que ocasionou protestas espontáneas nas rúas de numerosas cidades do Vietnam. Algunhas destas manifestacións adquiriron un carácter violento, provocando a morte de dous cidadáns chineses e numerosos feridos, entre os que están membros das forzas populares de seguridade. Polo que, tamén, no texto que remitimos á citada embaixada, lamentamos estas mortes tráxicas e inútiles.

Texto do telegrama:

EMBAIXADA DA REPÚBLICA POPULAR CHINESA EN ESPAÑA | Arturo Soria, 113 | 28043 - Madrid.

Defendemos soberanía Vietnam illas Paracel. Fin presencia militar.
Lamentamos profundamente morte cidadáns chineses.
Votos por paz e solución diplomática conflito países irmáns.
Xoán Francisco López- Asoc. Galiza-Vietnam.

A nosa asociación como o resto das asociacións de amizade no mundo, facemos un apelo aos pobos do mundo e aos amantes da paz e da xustiza, a apoiar a lexítima loita vietnamita contra o acto violador e provocativo dos gobernantes chineses. E que este conflito se resolva pola vía pacífica e da concordia.
__________________

Ler máis »»

O governo da República Popular da China, ocupa ilegitimamente cumha plataforma petrolífera, as águas vietnamitas no Mar Oriental, acompanhada dum enorme despligue naval militar

A partir do dia 2 de maio, o governo da República Popular da China, ocupa ilegitimamente cumha plataforma petrolífera as águas vietnamitas no Mar Oriental. Umha equipa perfuradora Haiyang Shiyou -981 (China National Offshore Oil Corporation - CNOOC), acompanhada por umha forte frota de navios armados, despliegan-se na plataforma continental e zona econômica exclusiva do Vietnám. A corporaçom petrolífera instalaou a plataforma numha área localizada totalmente na zona econômica exclusiva do Vietnám, a 120 milhas náuticas da costa.

O governo chinês mobilizou a 126 navios armados, incluindo militares, para escoltar a sua plataforma e também proibiu, ilegalmente, navegar  aos navios doutros países da área até três milhas marítimas da plataforma petrolífera.

Tal acçom unilateral da China é umha grave violaçom da soberania, dos direitos jurisdicionais do Vietnám, consagrado na Convençom das Naçons Unidas sobre o Direito do Mar de 1982 (UNCLOS) e vai contra a lei internacional e da Declaraçom de Conduta no Mar do Leste entre a Associaçom de Naçons do Sudeste Asiático e Pequim (DOC) assinado em 2002.

Os barcos chineses dispararam canhons de água de alta pressom para navios vietnamitas que operam pacificamente na área causando lesons humanas e prejuízos materiais.

A representaçom do poder popular vietnamita disse que gostaria de fazer frente às controvérsias por meios pacíficos e em conformidade co direito internacional, e apoia firmemente as forças da Polícia Marítima e da Administraçom Pesqueira do Vietnám nas suas funçons de proteger a sua soberania.

Ante a violaçom da soberanía vietnamita, multitude de manifestaçons pacíficas expontáneas realizarom-se por todo o país, mas nalguns casos converteram-se em violentas por mor de provocadores infiltrados pagados por organizaçons hostis vitnamitas com sede no exterior, cousa que se está investigado segundo portavoces oficiais. Apesar dos esforços das autoridades para prevenir estas acçons extremistas, em que dezenas de membros das forças de seguridade ficaram feridos, algumas manifestaçons que se tornaram violentas rematarom com dous cidadáns estrangeiros mortos, e duzias de feridos, assim como danos a empresas com investimentos estrangeiros. Centos de pessoas fôrom detidas e que segundo as autoridades vietnamitas, seram levadas ante a justiça.

Organizacións sociais e populares vietnamitas fam um apelo à protesta pacífica e nom violenta contra a ocupaçom das águas vietnamitas, polo governo chinês.

O povo vietnamita compreende profundamente o valor da paz e o desejo de coexistência pacífica com outros povos, incluindo o chinês. Organizaçons sociais e populares do Vietnam, que têm umha recente memória da dor da guerra, com trágicas consequências visíveis que perduram no tempo, e que sofreram cruelmente a atrocidade provocada polo imperialismo de USAmérica e ocidente contra o povo do Vietnam, fazem um apelo aos povos do mundo e aos amantes da paz e da justiça a apoiar a legítima luita vietnamita contra o acto violador e provocativo dos governantes chineses.

+ info:

1. Edward Wong (2014-05-08). "Q & A: M. Taylor Fravel on China’s Dispute With Vietnam". The New York Times.
2. Adam Taylor (2014-05-14). "The $1 billion Chinese oil rig that has Vietnam in flames". Washington Post. Retrieved 2014-05-16.
3. Ernest Z. Bower, Gregory B. Poling (2014-05-07). "China-Vietnam Tensions High over Drilling Rig in Disputed Waters". Center for Strategic & International Studies. Retrieved 2014-05-16.
4. "Vietnam protesters attack China over sea dispute". BBC News. 2014-05-11. Retrieved 2014-05-16.
5. 2014-05-17, Vietnam still a safe destination: envoy, Taipei Times
6. 2014-05-15, Protestors torch factories in southern Vietnam as China protests escalate, CNN
7. "Chinese nationals in Vietnam flee to Cambodia as anti-China riots turn fatal". theguardian. 2014-05-15.
8. "Vietnam-China tensions: One dead in Taiwan mill protest". 2014-05-15.
9. "Factories Torched in Anti-China Protest in Vietnam".
10. "Anti-Chinese Violence Convulses Vietnam, Pitting Laborers Against Laborers". The New York Times. 2014-05-15.
11. "Factories burned in anti-China protest in Vietnam". Washington Post. 2014-05-14.
12. "Protestors torch factories in southern Vietnam as China protests escalate". CNN.
13. "Vietnamese protesters target Chinese embassy". CNN.
14. "Vietnam anti-China protest: Factories burnt". BBC. 2014-05-14.
15. "Vietnam-China tensions: One dead in Taiwan mill protest".
16. "Filipinos, Vietnamese join anti-China street protest".
17. Hodal, Kate (18 May 2014). "China evacuates 3,000 nationals from Vietnam as conflict simmers". Guardian News.
18. "Up to 21 dead, doctor says, as anti-China riots spread in Vietnam". Reuters. 2014-05-15.
19. "越南反華暴動 台廠2陸幹死亡" (in zh-tw). 中央社. 2014-05-15. Retrieved 2014-05-15.

---

Ler máis »»