From Galicia, with our best wishes, we hope you achieve the greatest success in your projects for 2006

Desde Galicia desexámosvos o maior éxito no voso traballo para o ano 2006

Paz, solidariedade e xustiza social.

Saudos.

From Galicia, with our best wishes, we hope you achieve the greatest success in your projects for 2006.

Peace solidarity and social justice.

Regards

Bao
Ninh meeting with some Galician writers

60^th
Aniversary of Vietnam

www.galiza-vietnam.blogspot.com

Ler máis »»

Entrevista a Xan Carvallo no semanário A Nosa Terra

A Nosa Terra
Periódico Galego Semanal
Dezembro 2005

Entrevista a Xan Carballo

“O Vietnam conseguiu crear riqueza
sen renunciar á súa esencia socialista”

Xan Carballo é vicepresidente da Asociación de Amizade Galiza-Viêt Nam e visitou o país asiático no pasado setembro para asistir á conmemoración do 60º aniversario da proclamación da República Popular. A asociación tamén celebra esta data en Galiza. O 17 de decembro estará na Galería Sargadelos da Coruña o escritor Bao Ninh, un dos máis famosos autores vietnamitas, autor de A dor da guerra .

Como xurdiu a idea de crear unha asociación de amizade entre Galiza e o Vietnam?

Para moitos galegos, o Vietnam ten capital importancia na nosa formación persoal e política. Medramos admirando o exemplo de resistencia do pobo vietnamita, que foi capaz de vencer o imperialismo norteamericano e defender a súa soberanía a pesar de sufrir unha guerra moi cruenta. Este modelo de loita influíu tanto en nós, que daquela militabamos en organizacións clandestinas, que incluso a nosa ruta por estrada secreta entre Santiago e Vigo se chamaba “Ruta Ho Chi Minh”. Xa no 1968 eu e moitos dos que estamos nesta asociación fundamos a Unión Galiza-Vietnam, que chegou a editar uns cantos boletíns de solidariedade e información sobre a guerra. No 2004, para conmemorar a vitoria de Dien-Bien-Phu, organizamos esta asociación, que serve de agradecemento aos vietnamitas e de canle de cooperación entre ambas as nacións.

Este mes conmemoraron o 60º aniversario da proclamación da República Popular. Que outras propostas están a preparar?

O ano que vén queremos traer de novo a Galiza o embaixador do Vietnam en España e poñelo en contacto coa Xunta, para que os gobernos galego e vietnamita aprofunden nas relacións bilaterais, nos intercambios comerciais e na busca de puntos en común que nos unan a pesar da distancia xeográfica existente.

Que lle pode dar o Vietnam a Galiza e que pode recibir?

O Vietnam é un país dinámico, en movemento e modernización constantes con moito que nos ofrecer, xa non só no plano comercial senón tamén no cultural. Os galegos podemos ser útiles na formación en hostalaría, por exemplo, que é unha área que queren desenvolver pero na que están aínda en cueiros.

Vostede coñeceu o Vietnam en setembro. Para os occidentais é un país moi misterioso, en que estado se encontra?

Encontreime cun país en cambio, en crecemento. Hai que pensar que o Vietnam sufriu unha atroz guerra que durou dez anos e deixou terríbeis secuelas. A chegada á “independencia” resultou moi complicada. O país atravesou unha época de miseria e o goberno tivo que cambiar o modelo. A poboación do Vietnam é de 81 millóns de persoas e máis do 75 por cento vive da agricultura. A finais da década do 1980 o Partido Comunista aplicou un sistema de reformas, coñecido como Doi Moi, enfocado a mellorar o nivel de vida da poboación, a permitir que a xente se fixese rica, pero de forma legal.

Un xiro ao capitalismo.

Un xeito intelixente de manter o sistema socialista, de crear un mercado que cree riqueza. Está demostrado que os países con máis diñeiro poden ser máis igualitarios e darlles mellor nivel de vida aos seus cidadáns. O Estado inviste o 25 por cento de todo o que recada en políticas sociais. Nos últimos quince anos reduciuse á metade a mortaldade infantil (que agora está no 30 por mil) e melloran ano a ano as condicións sanitarias. O 94 por cento da poboación está alfabetizada. No plano macroeconómico, o Vietnam conseguiu cumprir o plano das Nacións Unidas contra a pobreza dez anos antes do previsto. O PIB crece un 7 por cento anual, duplicouse a renda per capita e o país deixou de ser un dos maiores importadores do mundo a se converter no segundo exportador de arroz do planeta e manter un comercio activo doutros produtos do agro. Tamén aumentou moito o turismo. No 2003 recibiu 2 millóns de visitantes estranxeiros.

Ler máis »»

Comemorando o 60 aniversário da independência de Viêt Nam

COMEMORANDO O 60 ANIVERSÁRIO DA INDEPENDÊNCIA DE VIÊT NAM

O 2 de Setembro de 1945, foi proclamada a independência de Viêt Nam, Perante os 30 anos seguintes desenvolveu-se umha guerra de libertaçom Nacional que rematou em 1975 e que influiu na consciência política de multitude de pessoas da Galiza e do mundo inteiro. Várias fôrom as generaçons que vivírom o que acontecia em Viêt Nam como próprio.

Desde há 30 anos, desde a reunificaçom, o país do sulesteasiático vive em paz e recuperando-se da agressom imperialista.

Desde a Associaçom de Amizade Galiza – Viêt Nam, queremos render umha homenagem ao povo vietnamita e mostrar um país que se desenvolve e procura um futuro de justiça e bem-estar social.

A nossa associaçom, tinha programado acolher a umha delegaçom vietnamita da uniom de organizaçons de amizade que passaria uns dias entre nós, com recepçons nalguns concelhos, sindicatos e instituiçons, e outros actos de confraternidade. Mas por motivos de coordenaçom com as viagens de vinda e volta nom podem estar com nós. Mas sim contaremos com o escritor vietnamita mundialmente conhecido, autor do livro A dor da Guerra, Bao Ninh que falará na Galeria Sargadelos de Compostela. E com anterioridade contaremos com um acto em Ferrol.


ACTO EM COMPOSTELA

Sábado 17 de Dezembro, 19.30 h.
Galeria Sargadelos
Rua Nova, 16

Conferência a cargo de: Bao Ninh, excombatiente e autor da primeira novela vietnamita sobre a guerra do Viêt Nam: A dor da guerra.

A conferência tratará sobre o livro A dor da guerra, uma novela sobre a guerra do Viêt Nam desde a perspectiva de seu autor, Bao Ninh, um dos poucos soldados norvietnamitas que sobreviveu a umha das batalhas mais cruentas da guerra. O autor explica suas experiências numha história de amor, de sonhos e juventude ao mesmo tempo que questiona o preço dos ideais e o valor da vida humana.

Intervirá na conferência de Santiago de Compostela:

Bao Ninh, o autor do livro
Susana Andrés, editora de Edições B.
Xosé Neira Vilas, escritor galego.
Anisia Miranda, escritora galego-cubana
Xan Carvallo, vicepresidente da Associaçom de Amizade Galiza – Vièt Nam.


Associaçom de Amizade Galiza – Vièt Nam
http://www.galiza-vietnam.blogspot.com/

Colaboram:

Concelharia de Cultura do Concelho de Santiago de Compostela:
http://www.compostelacultura.org/

Casa Asia:
http://www.casaasia.es/



ACTO EM FERROL

Dia 15 de Dezembro, Quinta-Feira
Fundaçom Artábria
Travessa de Batalhons, 7
FERROL
[http://www.artabria.net]


Comemoraçom do 60 aniversário da independência de Viêt Nam

Conferência

O porquê da amizade com o povo vietnamita

Intervirám:

Xan Carvallo e Xam López, vicepresidente e presidente da Associaçom de Amizade Galiza - Viêt Nam.

Ler máis »»