Desde Galiza a Vietnam con Mandela. Desde a nosa Asociación de Amizade queremos amosar o noso recoñecimento ao irma e compañeiro Nelson Mandela, un exemplar loitador pola xustiza e igualdade, contra a opresión e o racismo. Mandatarios hipócritas e poderosos opresores colmáronte de louvanzas, e até facian que choraban a túa morte, rios de tinta para manipular o teu exemplo e palabra, un moi vergoñento teatro da infamia. As boas e xenerosas, persoas de ben e xustiza, saben da túa loita, da loita dos teus, o seu verdadeiro significado e non o esqueceremos xamais. Nelson Rolihlahla Mandela a túa loita o teu exemplo vive en nós, durme tranquilo na eternidade do descanso merecido, e así llo transmitiremos as nosas fillas e fillos, e a súa vez estas e estes, ás súas fillas e fillos, ... .
